«Критериалды бағалау-сапалы білім негізі» тақырыбында коучинг

 «Каспий» педагогика және салалық технологиялар колледжінде 2019 жылдың 7-қазанында колледждің әдістемелік кабинетінің ұйымдастыруымен оқытушыларға арналған әдістемелік күн өткізілді. Әдістемелік күнде педагогика және психология пәні оқытушысы Хайруллаева Алия Базарбаевна «Критериалды бағалау-сапалы білім негізі» тақырыбында коучинг өткізді.

 Коучингтің мақсаты - білім жүйесінде критериалды бағалаудың алатын орнын әріптестерге түсіндіру, критериалды бағалау арқылы оқытудың тиімділігін және оқу сапасын арттыруға болатынына көздерін жеткізу, оқу үрдісінде критериалды бағалауды қолдану жолдары мен түрлерін түсіндіріп, әріптестермен тәжірибе бөлісу.

 Коучингте оқыту мен оқудағы жаңа тәсілдер, сыни тұрғыдан ойлауға үйрету, оқыту үшін бағалау және оқуды бағалау, оқытуда ақпараттық –коммуникациялық технологияларды пайдалану, оқытуды басқару және көшбасшылық, топтық жұмыс, диалогтық оқыту модульдері мен әдіс-тәсілдерін қолданды.

Рухани жаңғыру» аясында «Болашаққа бағдар: нәтижеге бағытталған кәсіби білім

   «Каспий» педагогика және салалық технологиялар колледжінде  2019 жылдың 29-қазанында «Рухани жаңғыру» аясында «Болашаққа бағдар: нәтижеге бағытталған кәсіби білім»  тақырыбында колледж студенттері мен мектептің жоғары сынып оқушыларына арналған  облыстық  ғылыми-тәжірибелік  конференция  жұмысына  облыстық  ғылыми-тәжірибелік  конференция  өтті.

 Конференцияның мақсаты – жастардың заманауи әлеуметтік-саяси ұстанымдарын қалыптастыру, Қазақстан қоғамының болашағы үшін жауапкершіліктерін, «Қазақстан-2050» стратегиясы бойынша заманауи білім берудегі «Нұрлы жол» бағытындағы жеке тұлғаға бағытталған ізденістерін, танымдарын арттыру, Елбасының «Төртінші өнеркәсіптік революция жағдайындағы дамудың жаңа мүмкіндіктері» атты Жолдауындағы әлемнің озық ғылымында бәсекеселестікті арттыру, командалық жұмысты және кеңістіктік ойлауды дамытып, шабыттандыру және интеллектуалдық әлеуетті ашу, жастар бойында кәсіби және тұлғалық сапаларды жоғары қалыптастыру, жас ұрпақты саналы түрде мамандық таңдауға дайындау, жастардың шығармашылығын, ойлау қабілеттерін, отансүйгіштік сезімін дамыту.

     Ғылыми-тәжірибелік конференцияға Маңғыстау облысының білім басқармасы, «Атамекен» кәсіпкерлер палатасының Жаңаөзен қалалық филиалы, Жаңаөзен қалалық жастар ресурстық орталығының мамандары, мектеп мұғалімдері және кәсіптік және техникалық білім беретін оқу орындарының студенттері мен мектеп оқушылары қатысты.

  Колледж директорының ғылыми-әдістемелік ісі жөніндегі орынбасары Р.Суюбаева конференцияны ашып, ғылыми-тәжірибелік конференцияның мақсаты мен міндеттерінің бүгінгі таңдағы өзектілігіне тоқталғаннан кейін, конференцияға қатысушыларға сәттілік тіледі.

   Конференция үш бағытта өтті: «Жастар жылы – жаңашылдықтың бастауы», «Мамандығым - үмітім» және инженерлік жоба көрмесі: «Мен – инженермін» (робототехника). Үш секцияға барлығы 108 студент пен оқушы қатысты. Әр секция бойынша Үздік баяндама дайындағаны үшін бірінші, екінші және үшінші орындар  берілді. Бірінші орын алғандар: А.Нысанбай (КМТИУ), А.Шотанова (Каспий), А.Қылышбай (Гуман.к.), Г.Джангырхан (Каспий), А.Тұрсынбаев (МИТК), Г.Исенбаева (Каспий); Екінші орын:  А.Рахметова (МЭК), Р.Мұхамбетов (МИТК), М.Назарбаева (МОМК), А.Багитова (№20 орта мектеп), А.Назибекова (Қайнар), Д.Өмірзақ (Болашақ), Ұ.Нұрмұханова (Туризм), Р.Шығырбаев (Бейнеу политех.к.), Ж.Сұлтанғалиев (Каспий); Үшінші орындар:  Ф.Путин (Болашақ), Ф.Бердешова (№20 мектеп), Ж.Алшын (Каспий), Д.Оспан (МИТК), С.Каменова (МИТК), Г.Берниязова (ЖПТК), Н.Силағанов (МИТК), Д.Доғдырбайқызы (Каспий), М.Жумабаева (МОМК), М.Оразбаев (Жаңаөзен қызмет көрсету к.), Р.Байжұматов (МИТК), А.Назибекова (МПК), Б.Қуандықов, А.Элемесов, Ж.Жұмабаев (КазАТК), Н.Бимағанбетов (МИТК).

Дир. ҒӘЖ орынбасары Суюбаева Р